|
Canzoni Milanesi d’Autore Traduzioni di Brassens |
|
|
Filastrocche e conte |
|
|
|
|
|
Pioeuv, pioeuv, pioeuv la gajna la faa l’oeuv, fiocca, fiocca, fiocca la gajna la fa l’oca Pioeuv, pioeuv, pioeuv la gajna la faa l’oeuv, el gallett el và debass tutt i sciori vann a spass vann a spass a sett a sett tutt i sciori hinn sabett |
|
|
Crapapelada l’ha faa i tortej Ghe n’ha daa minga ai sò fradej I sò fradej hann faa la frittata ghe n’hann daa minga a’l Crapapelada |
|
|
Lunedì l’è nassuu el Peppin Martedì gh’hann daa el laccin Mercoldì l’ha cominciaa a staa in pee Giovedì l’ha tòlt miee Venerdì l’è staaa malaa Sabet l’è mòrt Domenega gh’hann faa el còrp. |
|
|
La maestra piscinina La m’insegna la dottrina La m’insegna a lavorà La maestra la me dà La me dà con la bacchetta La maestra cinciapetta. |
|
|
Un due tre La Peppina la fa el caffè La fa’l caffè con la ciccolatta La Peppina l’è mezza matta. Matta tì, matta mì La mia gatta la voeur morì. Lassa che la moeura Faremm fa ona cassa noeuva Noeuva noventa Faremm fa ona cassa argenta Genta gentaja Faremm fa ona cassa paja Paja pajon Brutta vegia polenton |
|
|
Pin pin Cavallin Scòtta la preja del tombin: pan pòss pan
fresch indovina se l’è quest! Pin pin Cavallin Acqua calda Acqua freggia Ten tì quest Damm a mì quest. |
|
|
Trenta quaranta la pegora la canta, la canta soeu el soree, va domanda al pegoree, pegoree l'è 'ndaa a Ròma, va domanda a la padròna, la padròna l'è in giardin, va domanda al Gioanin Gioanin l'è in la stalla va domanda a la cavalla la cavalla l'è in sul tecc, tirela giò per i orecc, i orecc la gh'ha malaa, la manderemm a l'ospedaa ghe darann la medesina la morirà doman mattina. |
|
|
|
|
|
|
|
